Tips and Tricks from Cambodia

June 14, 2015

អារម្មណ៍មួយដែលចង់រំសាយតាមរយៈ post នេះ

ថ្ងៃនេះ ខ្ញុំមានអារម្មណ៍ល្អ និងមិនល្អក្នុងពេលតែមួយ។ ខ្ញុំសប្បាយចិត្តត្រង់ខ្ញុំមានសង្សារដែលមញ៉ិមញ៉ក់ឈ្មោះសាង នៅក្បែរ។ នាងបានធ្វើអោយខ្ញុំសើច ហើយខ្ញុំក៏បានធ្វើអោយនាងកាន់តែយល់ច្បាស់ពីជីវិត។ ថ្ងៃនេះខ្ញុំបានជួបនាងពេលថ្ងៃ ហើយយើងបានទៅវាលស្បូវ ញ៉ាំបាយក្តាំង និងទៅមើលផ្ទះល្វែងនៅទីនោះ។

អ្វីដែលខ្ញុំមិនសប្បាយចិត្តនោះគឺត្រង់ថា បងប្រុសធំរបស់ខ្ញុំបានតេមកម៉ាក់ផង និងតេមកខ្ញុំផង គាត់បាននិយាយថា គាត់ទាល់ហើយ គាត់បានយកម៉ូតូគេទៅដាក់បញ្ចាំ គាត់ត្រូវការលុយ ៨០០ដុល្លារដើម្បីទៅលួស ម៉ូតូមកវិញ។ នេះជាអ្វីដែលគាត់បានប្រាប់ខ្ញុំតាមទូរស័ព្ទ។ តែពេលមកដល់ផ្ទះ អ្វីដែលខ្ញុំដឹងពីម៉ាក់វិញ គឺមានរឿងច្រើនជាងនេះ។ បើតាមម៉ាក់វិញ គឺម្នាក់ស្រីដែលគាត់ទាក់ទងនោះ គេទាមទារចង់រៀបការជាមួយ គាត់។ តែម៉ាក់បានប្រាប់ថាមិនទាន់អាចគិតរឿងនោះទេ។​ គាត់ទាល់លុយផង និងជិតរៀបការខ្ញុំផង។ ហើយ ម្នាក់ស្រីនោះក៏ចង់លេបថ្នាំសម្លាប់ខ្លួន។ មិនយូរប៉ុន្មាន បងប្រុសក៏តែមកម៉ាក់ម្តងទៀតហើយប្រាប់ថាគាត់ បានដាក់ម៉ូតូគេបញ្ចាំ១០០០ដុល្លារ។ បើមិនអោយលុយគាត់ទៅលួសម៉ូតូគេទេ គេនឹងចាប់គាត់។

ប៉ាម៉ាក់ខ្ញុំម្តងនេះ គាត់ដាច់ចិត្តហើយ ព្រោះវា១៥ឆ្នាំជាងហើយ ដែលគាត់មិនព្រមកែរខ្លួន។ គឺគាត់នៅតែលេងល្បែង យកម៉ូតូខ្លួនឯងផង និងម៉ូតូគេផងទៅបញ្ចាំ។ ប្រសិនបើអោយតែមានរឿងដឹងតែជួយគាត់ មួយឆ្នាំគាត់បញ្ចាំម៉ូតូ៥ទៅ៦ដង គឺមិនអាចជាដំណោះស្រាយទេ។

រីឯបងប្រុសកណ្តាលវិញ ក៏នៅតែមានបញ្ហាដដែលអស់រយៈពេលជាង១០ឆ្នាំហើយ គឺញៀនថ្នាំ។ ម្នាក់ៗស្មានថាគាត់កែខ្លួន ព្រោះមានគេសរសើរគាត់ច្រើនពេលគាត់ចូលលក់នៅផ្សារទួលទំពូងដំបូង។ ដោយសារតែគាត់ឧស្សាហ៍។ តែអ្នកណាទៅដឹង ដល់ពេលរៀបការ មានកូនពីរហើយ នៅបកទៅញៀនថ្នាំម្តងទៀត។ ទម្រាំតែអ្នកផ្ទះសម្រេចចិត្តហៅគេមកចាប់គាត់ទៅមណ្ឌល គឺទ្រាំអោយគាត់សាកល្បងនៅផ្ទះ ​មិនអោយចេញទៅណា តែគាត់នៅតែទារចេញម្តងហើយម្តងទៀត។ រហូតដល់ថ្ងៃ៩ខែ៦ឆ្នាំ២០១៥ ទើបខ្ញុំហៅគេមកចាប់គាត់ទៅមណ្ឌល។ បីថ្ងៃក្រោយមក នៅថ្ងៃ៣ខែ៦ឆ្នាំ២០១៥ ខ្ញុំបានទៅមើលគាត់ជាមួយបងស្រីនាពេលព្រឹក។ ពេលជួបគាត់ គាត់បានទារចេញមកក្រៅវិញក្នុងរយៈពេលពីរអាទិត្យ។ តែបានចរចារគ្នាអោយគាត់នៅត្រឹមថ្ងៃ១៩ខែ៧ឆ្នាំ២០១៥។ សង្ឃឹមថាគាត់នឹងកែរខ្លួនបានម្តងនេះ។

អ្វីដែលលំបាកសម្រាប់គ្រួសារខ្ញុំនាពេលនេះ គឺបងប្រុសទាំងពីរអ្នកមិនព្រមកែខ្លួនទាល់តែសោះ។ ម្នាក់អាយុ ៣៣ ម្នាក់អាយុ ៣៧ឆ្នាំទៅហើយ។ ហើយកូនកាន់តែធំទៅៗ ឪពុកមិនដឹងណាណីទៀត។

3 comments:

  1. As a human being, people always have different issues and problem in life! After reading this article, I feel deeply pity on you and your family. Still, I do appreciate your braveness to share this issue. Even I cant help you, I can only motivate you to stay strong for your family, and keep calm to find a better solution. Remember, everyone and every family has different issue, I have also experienced many different issue in my family that is somehow considered as social issue--divorce, sickness, jealousy, loss, concubine, etc. Still, we are now mature and being more responsible in our family; thus, it seems somehow our shoulders are getting heavier from year to year when we grow up and pass different stage of life cycle. We will soon become parents and will face countless issue in life, still we are human being, we're supposed to face Ups& Downs path of life. Be optimistic and stay strong, dear! Good thing will be back as bad thing wont last long. At least, Smile to wake up your sadden heart and soul..:)

    ReplyDelete
  2. :) It's just been too long. Bad thing won't last long, but it happens again and again.

    ReplyDelete
  3. អ្នកពិបាកចិត្តជាងគេគឺ ម៉ាក់

    ReplyDelete

Follow by Email